“Kaspersky Lab”ın yayımladığı son hesabata görə, şirkətin “Valideyn Nəzarəti Modul”undan əldə etdiyi statistikaya, əsasən bütün dünyada uşaqların yay tətili müddətində internetdə nələr etdiyini elan edib.

"Bİ" xəbər verir ki, araşdırma uşaqların məktəb olmayan vaxt internetdə nələr izlədiyini, nələrə qulaq asdığını və onlayn nə aldığını açıqlayıb.

Hesabatda 2018-ci ilin iyun ayından avqust ayının ortasına qədər Windows PC-lər və Mac, Android və iOS cihazlarından edilən axtarışlar ilə bağlı anonim statistikalar yer alıb.

Statistika “Valideyn Nəzarəti Modul”u açıq olan Kaspersky Lab flaqman məhsulları və uşaqları internetdən qorumaq üçün yaradılan Kaspersky Safe Kids xidmətindən əldə edilib. Əldə edilən məlumatlara görə, qlobalda uşaqlar bu yay sosial mediada vaxt keçirtmək əvəzinə, video kontent izləməyi və musiqiyə qulaq asmağa üstünlük veriblər. Araşdırma, həmçinin onların “YouTube”da daha çox vaxt keçirtdiklərini ortaya çıxarıb.

Fərqli ölkələrdə yaşayan uşaqların PewDiePie adlı bloggerə marağı yüksək olub. Netflix də uşaqların üstünlük verdiyi platformalardan biri olub. Onlar platforma üzərindən bir sıra fərqli TV proqramlarını izləyiblər. Balaca uşaqların seçimləri arasında isə Nickelodeon, Cartoon Network ve Disney Channel ilə yanaşı, SüngerBob KarePantolon cizgi filmləri olub.

Uşaqlar musiqiyə qulaq asmaq üçün isə Spotify, Soundcloud və iTunes kimi xidmətlərdən istifadə ediblər. Uşaqlar arasında ən populyar musiqi növü isə rep olub. Bu yay öldürülən məşhur rep musiqi sənətçisi XXXTentacion-un ölümü haqqında xeyli axtarış edilib. Buna görə, reperin mahnılarına baxış sayı rekorda çatıb. Qeyd olunan dövr ərzində adıçəkilən reper uşaqlar arasında digər bütün sənətçilərdən də ən çox qulaq asılanı olub. Uşaqlar BBC, CNN ve BuzzFeed kim xəbər saytlarını da tez-tez ziyarət etməyə başlayıblar.

Həmçinin 2018 FIFA Dünya Çempionatı ilə bağlı son xəbər, nəticələri öyrənmək üçün də vaxt xərcləyiblər. Əlbəttə, internet üzərindən oynanılan oyunlar da populyarlığını qoruyur. Qlobalda uşaqlar Fortnite oyun növünə maraq göstərib. Beləliklə, bu nəticələr bugünə qədər ən populyar oyun olan PUBG-u taxtından salıb. Bu yay uşaqların maraq göstərdiyi digər sahələr isə geyim və mobil cihazlar olub. Uşaqların internet mağazaları arasında ən çox üstünlük verdikləri platformalar Ebay, Amazon, Aliexpress, ASOS ve H&M-di. Onlar arasında ən populyar markalar isə Nike, Adidas, Supreme, Gucci və Vans oldu. Bütün mobil cihazlar arasında uşaqların maraq göstərdikləri isə iPhone və Samsung Galaxy olub.

Uşaqların oyun, video, musiqi ilə yanaşı, böyüklər üçün nəzərdə tutulmuş saytları da tez-tez axtarışa veriblər. Ancaq valideynlər bu cür saytları bloklayan məhsullar (məsələn, Kaspersky Lab) ilə uşaqların belə saytlara girməsinin qarşısını alıb. Məsələn, qonşu Türkiyədə uşaqların internetdə böyüklər üçün nəzərdə tutulmuş məzmun axtarış faizi 0,24 olub.