Dünyaca məşhur fotoqraf Reza Deqati Xudafərin körüsünün fotolarını paylaşdı

 Dünyaca məşhur fotoqraf Reza Deqati Azərbaycanın işğaldan azad edilmiş Xudafərin körpüsünün fotolarını paylaşıb.

O, "Instagram" hesabından etdiyi paylaşımda bildirib ki, Cəbrayıl rayonu Avropa ilə Asiyanı birləşdirən ticarət yolları, İpək Yolunun üstündə yerləşir:

 Fotoqraf qeyd edib ki, Avropadakı şərqşünaslar, İran, Türk dünyası və Çindəki şairlər hekayələr, əfsanələr və fantaziyalarda ondan ilham alıblar.

 "Xudafətin körpüsü XIII əsrdən bəri İpək yolu boyunca Azərbaycanla İran arasında əsl təbii sərhəd Araz çayını keçmək üçün istifadə olunan iki tarixi körpüdür.

 1993-cü ildən 2020-ci ilin oktyabrına qədər Cəbrayıl rayonu erməni qüvvələri tərəfindən işğal edildi. 18 oktyabrdan etibarən Azərbaycan qüvvələri bölgəyə və bu tarixi və simvolik abidələrə nəzarəti bərpa etdilər".

Reza qeyd edib ki, Cəbrayıldan olan ailələr son 27 ildən sonra ilk dəfə doğma yurdlarını görə biləcəklər.

Modern.az