Azərbaycan Respublikasının Baş Prokurorluğu tarix boyu müxtəlif terror cinayətləri törədən Ermənistanın bu siyasəti davam etdirərək Azərbaycanın yaşayış məntəqələrini, dinc əhalini hədəfə tutması, nəticəsində çoxlu sayda mülki şəxsin həlak olması və xəsarət alması, eləcə də mülki infrastruktura külli miqdarda ziyan dəyməsi ilə bağlı müxtəlif dillərdə videoçarx hazırlayıb. AZƏRTAC xəbər verir ki, videoçarxda Ermənistanın dövlət səviyyəsində həyata keçirdiyi terror siyasəti ilə yanaşı, ümumilikdə terror bəlasının bəşəriyyətə vurduğu yaralardan bəhs olunur.