“Qızıl yarpaq, Tənha səs” müsabiqəsinin növbəti iştirakçısı aktrisa, Əməkdar artist Şəlalə Şahvələdqızıdır. O, xeyriyyəçi – şair Gülağa Tənhanın “Necə yaşayır?...” şeirini səsləndirərək müsabiqəyə qatılmışdır. Əvvəlki yayımlardan məlum olduğu kimi, şair Gülağa Tənha dəfələrlə internat məktəblərində olmuş və  gördüklərindən təsirlənərək bir neçə şeir yazmışdır. Bu həm də bir vaxtlar orada yaşayıb, təhsil alan bir adamın keçmişi unutmadan onları olduğu kimi duymasını göstərir...

NECƏ YAŞAYIR?..

Bakı…
Uşaq evi…
Qəmgin baxışlar
Sıxır bu binanın divarlarını.
İtirib küçədən ötüb-keçənə,
İtirib biryolluq etibarını.
Gözünü yollardan yığa bilməyən
Bir körpə dayanıb gözlərində yaş.
Ata-ana yoxdu, illərdən bəri
Dərd ona sirdaşdı, o, qəmə qardaş.
Sarmaşıb ananın boynuna qızı,
Qızın ürəyinə bir işıq düşüb.
Qovuşub, birləşib ananın saçı
Qızının saçıyla qarışıq düşüb.
Əlləri göylərdə günü oxşayır,
Dilində bir sevgi – «Anacan!..» deyir.
Elə bil dünyanı ona veriblər,
Ana kəlməsini ucadan deyir.
Südəmər vaxtında atılan uşaq,
Düşmüşdü gecənin qaranlığına.
Körpəni böyüdən tapıldı,
ancaq
Ana necə dözür sinə dağına?
Bir sevinc, bir kədər verib baş-başa,
Baxır, oğrun-oğrun o qıza baxır.
Uşağın yaş dolu gözündən daşa
Bir kədər çilənir, bir həsəd yağır.
Baxır, qəmli-qəmli baxır o qıza,
Baxır, ürəyində ağrı daşıyır.
Bu körpə anasız yaşayır, görən
O ana körpəsiz necə yaşayır?..
Necə yaşayır?!..

Bakı, 3 saylı Uşaq Evi, 3 mart 2003

#Gülağa #Tənha #Gulaga #Tenha #Qəmbərov #Qemberov #Qəmbərov #Qemberov #гюльага #гамбаров #ганбаров #Тенха