“Araz” Ziyalılar Birliyi 2019-cu ilin may ayından etibarən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Naxçıvanda erməni cinayətlərinin izi və erməni iddiaları” adlı layihəyə əsasən Bakı və ətraf şəhər və kəndlərdə Naxçıvan MR-dan olan yaşlı nəslin arasında toplama işləri aparır. Eyni zamanda təşkilatın nümayəndələri arxivdə də bu istiqamətdə araşdırmalar aparıb. Aparılan araşdırmalara əsasən ermənilərin Naxçıvan MR-ın müxtəlif kənd və şəhərlərində törəkdikləri cinayətlər haqqında xeyli faktlar əldə edilmişdir.

Xatırladaq ki, həyata keçirdiyimiz layihənin əsas məqsədi Azərbaycan və dünya oxucularına ermənilərin yalnız Qarabağa iddialarının olduğunu deyil, Azərbaycanın müxtəlif bölgələrinə də o cümlədən Naxçıvan MR-ın ərazisinə də iddialı olduqlarını sübuta yetirməkdir. Bu məqsədlə də onların Naxçıvanın müxtəlif şəhər və kəndlərində dinc əhaliyə tutduqları divanı, vaxtilə orada törətdikləri qanlı cinayətləri faktlarda dünya ictimaiyyətinə catdırmağa çalışırıq.

Layihə zamanı Naxçıvan MR-in Ordubad, Sədərək, Culfa, Babək, Şərur və d. rayonlarında yaşayan yaşlı və orta nəslin nümayəndələri ilə görüşüb erməni cəlladlarının burada törətdiyi vəhşiliklərlə bağlı onlardan məlumatlar toplayıb, həmin məlumatları azərbaycan, rus və ingilis dillərində nəşr etdirməyi planlaşdırırıq. Qeyd edək ki, təşkilatın nümayəndələri Naxçıvanda bu istiqamətdə toplama işləri aparıb, erməni vəhşiliyini tarixi faktlarla sübuta yetirən dəlillər əldə etmişdir. Yaxın günlərdə bu istiqamətdə fəaliyyət Naxçıvan MR –nın müxtəlif bölgələrində də aparılacaqdır.

Eyni zamanda bu günlərdə müəllifin erməni cinayətkarlarının Azərbaycan ərazisində dinc əhaliyə qarşı törətdikləri vəhşiliklər haqqında yazdığı  (“Kanlı taş”) kitabı Türkiyə Cümhuriyyətinin Alanya şəhərində “Baygenç Yayıncılık” tərəfindən nəşr olunmuşdur.