Canveten.az xəbər verir ki, Ombudsmanın Cəlilabad Regional Mərkəzi, Cəlilabad Rayon Gənclər və İdman İdarəsi və Cəlilabad Dövlət Peşə Təhsili Mərkəzinin birgə təşkilatçılığı ilə 15 iyun-Milli Qurtuluş Gününə həsr olunmuş tədbir keçirilib. Azpress.AZ xəbər verir ki, tədbiri giriş sözü ilə açan Peşə Təhsili Mərkəzinin direktoru Etibar Sadıqov bildirib ki, ümummilli liderimiz Heydər Əliyevin Azərbaycanda yenidən siyasi hakimiyyətə qayıdışından sonra respublikamız düşdüyü bəlalardan xilas olub, inkişaf və tərəqqi yoluna qədəm qoyub. Məhz Ulu Öndərin səyləri nəticəsində qısa müddətdə ölkəmizdə vətəndaş qarşıdurması aradan qaldırılıb, cəmiyyət həyatının bütün sahələrini əhatə edən uğurlu islahatların həyata keçirilməsi təmin edilib. 

Ombudsmanın Cəlilabad Regional Mərkəzinin rəhbəri Ziya İsmayılov isə çıxışında vurğulayıb ki,  dünya şöhrətli ictimai-siyasi xadim, müdrik dövlət başçısı Heydər Əliyev bütün şüurlu həyatını xalqının yaşamasına, Azərbaycanın tərəqqisinə həsr edib. 1993-cü il iyunun 15-də müdrik siyasətçinin, təcrübəli dövlət xadiminin siyasi hakimiyyətə qayıdışı ilə Azərbaycan tarixinin Heydər Əliyev dövrü özünün yeni mərhələsinə qədəm qoyduğunu diqqətə çatdıran natiq bu qayıdışla ölkənin ictimai-siyasi, sosial-iqtisadi, elmi-mədəni həyatında, beynəlxalq əlaqələrində dönüş yarandığını, elmi əsaslara, beynəlxalq norma və prinsiplərə uyğun şəkildə müstəqil dövlət quruculuğu prosesinin başlandığını xüsusi qeyd edib. Z.İsmayılovun sözlərinə görə, ümummilli lider Heydər Əliyevin Azərbaycana birinci rəhbərliyi ölkənin formalaşdırılmasına hesablanmışdısa, onun ikinci hakimiyyəti əsl qurtuluş erasını yaratdı. Müdrik rəhbərin insan hüquqları sahəsinə verdiyi önəm, bununla bağlı imzaladığı fərman və sərəncamlar xalqın mənafeyində mühüm əhəmiyyət kəsb etdi.

Tədbirdə çıxış edən Cəlilabad Rayon Gənclər və İdman İdarəsinin rəisi Elçin Hüseynov diqqətə çatdırıb ki, tariximizə Milli Qurtuluş Günü kimi daxil olmuş 1993-cü ilin 15 iyun günü onu qiymətləndirənlər, dərindən dərk edənlər üçün çox əzizdir. Vətənini, xalqını sevən, həmin çətin, ağrılı günlərin dəhşətlərini yaşayan, hadisələri gözləri ilə görən insanlar üçün 15 iyun əsl qurtuluş tarixi, Azərbaycanda ölüm-dirim mübarizəsinin tarixidir. Onun sözlərinə görə, qədirbilən xalqımız Ulu Öndərin Azərbaycan dövləti və millətinin xoşbəxt gələcəyi naminə gördüyü işləri heç zaman unutmayacaqdır. Çünki bugünkü müstəqil, güclü Azərbaycan ümummilli liderimiz Heydər Əliyevin şah əsəridir. Bu gün Ulu Öndərin siyasi xətti Prezident cənab İlham Əliyev tərəfindən uğurla davam etdirilir.  

  Tədbirin sonunda iştirakçıları maraqlandıran suallar cavablandırılıb.                                                                                                                                                                                                                                                          

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )