Canveten.az xəbər verir ki, 4 aprel 2019-cu il tarixdə Bakı Slavyan Universitetinin  konfrans zalında Milli Qəhrəman, polkovnik –leytnant, Aprel şəhidi  Murad Mirzəyevin döyüş yoluna həsr olunmuş  “Muradına  çatmayanlar – apreldən  əvvəl və sonra”  adlı sənədli filnmin nümayişi olub.

Nümayişdən əvvəl tərbiyə işləri üzrə prorektor, fil.ü.f.d. Xanım Sultanova çıxış edərək Aprel döyüşləri və onun qəhrəmanları haqqında gənclərə ətraflı məlumat verib. O deyib ki, Azərbaycanın qüdrətli ordusu Ali Baş Komandanın bircə əmri ilə işğal olunmuş bütün torpaqlarımızı azad etmək əzmindədir. O, Aprel döyüşlərini xalqımızla ordunun birliyinə ən yaxşı nümunə göstərib. X.Sultanova tələbə gəncləri həmin döyüşlərin qəhrəmanlarından nümunə götürməyə çağırıb. O, bütün zamanlarda vətən və ana sevgisinin bərabər tutulduğunu vurğulayıb. Prorektor daha sonra filmin qəhrəmanı Murad Mirzəyevin keçdiyi döyüş yolundan söhbət açıb və onun adının heç bir zaman unudulmayacağını bildirib.  

Qeyd edək ki, Mətbuat Şurasının sifarişi əsasında çəkilmiş bu 34 dəqiqəlik filmin rejissoru  BSU-nun əməkdaşı  Murad Muradovdur. Filmin məsləhətçisi Azərbaycan Respublikası Prezidentinin ictimai-siyasi məsələlər üzrə köməkçisi- şöbə müdiri  Əli Həsənov, ssenari müəllifi Bəxtiyar Qaracadır.

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )