Canveten.az xəbər verir ki,  martın 11-də Azərbaycan Texniki Universitetində (AzTU) Mərkəzi Qan Bankının dəstəyi ilə qanvermə aksiyası keçirilib.

Tədbir iştirakçıları əvvəlcə Ulu öndər Heydər Əliyevin universitetin foyesində ucaldılmış büstü önünə gül dəstələri qoyaraq Onun xatirəsinin ehtiramla yad ediblər.

AzTU-nun rector əvəzi, professor Xalıq Yahudov və Azərbaycan Qızıl Aypara Cəmiyyətinin prezidenti, Milli Məclisin deputatı Novruzəli Aslanov tələbələr görüşərək aksiyanın əhəmiyyətindən danışıblar.

Professor Xalıq Yahudov çıxışında aksiyanın xeyirxahlıq və mərhəmət naminə keçirildiyini bildirərək qanverən universitet əməkdaşlarına və tələbələrə tədbirdə fəal iştirak etdiklərinə görə təşəkkür edib.

Milli Məclisin deputatı Novruzəli Aslanov görüşdə “Azərbaycan QAC və könüllülük” mövzusunda çıxış edib və tələbələrin bu mövzu ilə bağlı suallarının cavablandırıb.

Daha sonra universitetin əməkdaşları və tələbələri qana ehtiyacı olan insanlara kömək məqsədilə könüllü olaraq qanveriblər.

Qeyd edək ki, Azərbaycan Respublikasının prezidenti İlham Əliyevin 7 aprel 2008 il sərəncamına əsasən hər il martın 10-da Azərbaycan Respublikasında Qızıl Aypara Günü qeyd olunur. Bu xeyriyyə aksiyasının keçirilməsində əsas məqsəd talassemiyalı və hemofiliyalı xəstələrə yardım etməkdən ibarətdir.

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )