Türkiyənin cib telefonu və planşet istehsalçısı "Reeder", ilk klavişli cib telefonu olan "F1"i bazara çıxarır. Telefonun ixracı da nəzərdə tutulur.

"BI" xəbər verir ki, "Reeder" İdarə Heyətinin sədri Uygar Saral verdiyi açıqlamada, Samsundakı zavodda istehsal olunan ilk sadə telefon olan "F1"in İnformasiya Texnologiyaları və Kommunikasiya Təşkilatının (BTK) razılığından sonra satışına başlandığını bildirib..

 "F1" klavişli telefon tələbatının ödənilməsi məqsədilə istehsal olunur. Xüsusən, yaşlı, uşaq və şirkətlər alıcılar olaraq hədəflənir. Telefonun yerlilik nisbəti 60%-dən yüksəkdir.

Təxminən 10 gün enerji saxlayan telefondan ilk fazada bazara 10 min ədəd çıxarılacaq.

Uygar Saral, "Samsunda qurduğumuz zavodumuzda istehsal etdiyimiz ilk telefon olması münasibətilə "F1" modelimiz bizim üçün mühümdür. Bu istehsal, personalın etibar qazanması baxımından da əhəmiyyət daşıyır. Sadə və asan istifadə imkanı verən telefonun rəngli ekranı, kamerası və internet əlaqəsi kimi əsas xüsusiyyətləri var",- deyib.

Saral bir həftəyə qədər telefonun satışına başlanacağını qeyd edərək, "F1"-in daxili bazardan sonra Rumıniya, Afrika və Dubayda satışa təqdim edilməsi üçün işlərimizi davam etdiririk", -ifadəsini istifadə edib.

Kamera, bluetooth, Mp3-Mp4, danışıq səsyazanı, 16 gigabaytlık mikro SD dəstəyi, GPRS kimi xüsusiyyətləri olan "F1"in qiymətinin 449 və 499 lirə (təxminən 140 və 155 manat) olacaqdır.